Airones de seronda

Tiempu de castañes

tiempu de.... despidíes

 
Toi na certidume de que'l carillón puédeme, al entrar nesti rincón dificultosamente tratu de llimpiar les teles d'araña que se formen ensin fuelgu. Abro les ventanes pa que'l soplíu llibertín de la seronda allume la morada.

Pos non, nun ye fácil. Asina que nuevamente, y bien  al mio pesar, empiezo esti post esculpándome por non atender debidamente y, estimando, reconociendo la deferencia del que fae una posa, un descansu, y un comentariu. Dichu lo cual, otra máxima infringida, pido esculpes.

 

Los mios pies na folla, la mio cabeza nes estrelles.

Razones supuestamente fundamentales, convierten-se en proyectos de tesis nestes Españas, nesta [Asturies] aciares. De tesis ye saber la cantidá de subvenciones públiques a funciones non básiques.

Subvencionar partíos políticos, banques, sindicatos o patronal nun ye un fin básicu.

Un fin básicu del Estáu ye subvencionar un colexu, o un centru sanitariu.

Quienes son los que súbditamente camuden el destín de miles de persones...?, de families...?. Costosu, esconcertante, estropiáu. Pero atiende, naide da-se por aludíu.

• Qué pasó…?? I

Cuando enceté esta entrada pal blogue, va… unes décades, moraba, yera feliz nel [Altu Aboño], y entamelu falando del maxestosu percorríu bordiando unes llombes al pie d'una galana ría, arriquecida con un portentosu arenal resultáu de los rescoldos de sieglos d'hestoria humana nes sierres qu'envolubren tol [conxuntu]. Les siendes xuntábense pa tomar el postreru impulso antes de llegar al altu. Les dos empinaes cuestes, L´cuestina y L´cuestona, afatábense colos centenarios castañares de Llamera, el nidiu cantar que les botes creaben al afalagar les seques fueyes arrincaes pol nuberu, anunciaba'l final d'una ensin par andadura. De xuru yera este'l meyor de los escenarios pa les llectures d'aquellos “panfletos subversivos” que circulaben poles taquilles de los ferroviarios de la J.O.P., polos vestuarios de los estelleros del Natahoyo, de La Calzada, polos pupitres del Gedo. En munches ocasiones trataben aquellos folletos sobre la divulgación d'unes comisiones nos diversos sectores industriales, tamién nel movimientu estudiantil. Marcelino, exfresador de la [Perkins], yá yera un líder por derechu propiu en les [Comisiones Obreres].

Estos díes recién transitaos, yeren naquel [Altu Aboño], díes de andecha, d'esfoyaza. Xente, munches xentes y muncho llabor per delantre. El llargu portalón que fai d'improvisáu almacén ye un bullicio, munches panoyes, muncha riestra, d'últimes enforma maíz, pero tamién muncha sidra del duernu, munches castañes, figos, enforma conceyu y sobre cualesquier otra cosa, bona harmonía y bien bonos, aviespaos cuentacuentos. Los veníos de Prevera, Pepín, de tronzate coles congoxes y dalgunes qu'otres, (siempres escases) allegríes a cuenta el so [Sporting], los veníos de San Jorge, Amelia, una instruyida en pócimas sanadoras, y demás  ancestrales heriedos. Güelu, el filosofo, el poeta, el Marvim viaxeru, el Pepón inamovible, y claro, los llegaos de… ¡tantes partes…!  Y que de xuru diré pa otros mundos, ensin tener bien claroe´ porqué en Carreño llamábase-yos “coreanos”. Toos, toos en rededor al cestu -les castañes.

Non, nun s'entiende cómo podía vivise, nun había pantalles d'afigura, nin móviles. Bonu, nin móviles, nin fixos… ¡qué coño!, y…bonu, para qué se quería?, si en cuanto cayía un truenu, quedaba tou escuru y teníase d'allegar a la lluz del candil o les veles. Por conocer, nin s'oyera falar del tal [Halloveen], pero si enforma falar del encantu del serondiegu, de la maxa del [Samhain].

• Qué pasó…?? II

Doi-me por informáu, un 29 de setiembre, añu 2010, y gracies a [La Vanguardia], que faciéndose ecu de la esclusiva [The Sunday Times], una cuestión fundamental pa los asocedíos futuros. La [O.N.U.], nun esbardie de talentu, va designar a la [malaya, que non malasia], [Mazlan Othman] como embaxadora pa posibles [contactos con alienígenas]. Caltien-se na recordanza el científicu [Stephen Hawking] Caltien el [Premio Principe], la esistencia de vida intelixente extraterrestre, yera una posibilidá bien seria dende'l puntu de vista científicu y racional. El prestixosu profesor británicu afirma que, en tal casu, lo meyor per parte de la Humanidá sería evitar el contactu con eses poblaciones, pos nun esiste seguridá sobre les sos intenciones. La [O.N.U.] paez tomar en serio el mensaxe.

 

Tamién, el 29 de setiembre, sospriéndennos los científicos, nesta ocasión dende la [Universidá de Copenhague],  [Dinamarca], agora, afayaron un raru pexe que da de mamar a les sos críes. Investigadores biólogos, afayaron que'l raru pexe zoarcido [(Zoarces viviparus)] utiliza folículos ováricos pa dar de mamar a les sos críes. Y lo más sorprendente ye qu'éstes mamen cuando son embriones dientro del cuerpu de la madre. Sábese que los mamíferos dan de mamar a les sos críes y pásenlos nutrientes na lleche abastecida nes glándules mamaries, esti procesu asocede cuando les críes nacen. Nunca se viera'l amamantamiento nos pexes.

Llectores amigos, d'alcuerdu vamos tar en que'l mundu ta francamente revueltu, p'amuesa, y por pone-y un mizcu d'humor, el raxón causáu pola ex ministra francesa de Xusticia, [Rachida Dati], qu'agora ye eurodiputada del partíu del presidente francés [Nicolás Sarkozy]. (Aprovecho la llicencia pa encuallar un video, que ye una cosa bien mal vista polos espertos nesto de los blogue, pero qu'a mi empréstame la personalidá arrolladora de la multimedia).
            Lapsus: Dati confond "inflation" et... "fellation"

Jejjee… ¡qué tonturass!, pos eso, un soplíu. Un soplíu les historietes diaries que nun tengo claru si son productu de la necesidá, o pa enllenar los “medios”, y esto llévame a apuntate la realidá qu'estrenó un seronda, 2010. Foi una fuelga'l día 29 de setiembre, pero que yá casi nadie s'alcuerda, y claro que delles consecuencies si que s'apreciaron, induldable que con distintes apreciaciones y una sensación, creo que xeneralizada, de refalfiu por tolos lados. Lados, o lodos??.

Envaloraos compañeres y compañeros: (Iniciativa Lexislativa Popular)

Agora l'interés ye por ver que pasa'l próximu día 7, d´avientu. Empezábamos la seronda con un llamamientu a la manera tradicional, terminar con un nuevu proyectu, ye posible que sía'l futuru…?? Vamos ver si ye verdá la fuerza de convocatoria de les nueves tecnoloxíes, el pedigrí ye notable.

Blog - [Revolution Against Banks!!!] 
En facebook - [Cliquea]

 

¿Cuántes fueyes visti cayer nestes selmanes?, ¿Que van tratar de dicinos?

Si emprestes atención repares que van cayendo adulces, esmuciéndose pel aire de forma “caprichosa” d'alcuerdu al compás del vientu. Los árboles que va díes, selmanes, meses tras fueron d'un verde qu'algamaba toles sos tonalidaes conocíes, agora son marielles y acolorataos.

Dignidá. 

La seronda ye una despidida, pero ensin desesperar. Les fueyes cayen d'a pocu, ensin apuru, diríase que cola paz d'una conciencia n'orde. L'iviernu va ser crudu ensin perder la esperanza que la primavera va llegar y va haber un anovar, tien la murnia del partir, la ilusión, l'allegría de la torna. Sabiendo que nes allegríes de les nueves llegaes, siempres se va agospiar la murnia pol que nun va volver. Nun van volver los panfletos de Marcelino, nin les castañales de Llamera, enllenarán los caminos de fueyes seques, nin te cruciaras con xentes poles cuestes camin del [“Prendes”], pa ver  [“Bienvenido, Mister Marshall”], de [Luis G. Berlanga],  nin en [Altu Aboño], atoparás portalones, nin maíz, nin castañes, nin andecha dalguna, nin yo voi tener el gozu d'esfrutar los horizontes, les vivencies d'un gallegu inmensu, gracias Amador. 

Saludinosss... y ahhss, pa una vegada que toi en tiempu, que...

¡FELICES

FIESTESSS!!

    

            Volver a forgax (Portada)