AvataLLar

“Febreru ye llocu, un día peor qu'otru”.

Dando la razón a la sabencia popular, que meyor prueba d'ello que'l casu del [ciclón extratropical], [Xynthia].  Que por eses estrañes cuestiones del destín déxente comprobar que de nada somos dueños, incluyíes les previsiones climátiques y non, nun voi ser yo el que critique l'escesu de rixu nes midíes que se tomaron. La cuestión ye que al yá escalabráu tresporte públicu pola Cornisa Cantábrica un llance d'este cubique dexa'l norte incomunicáu, así que desafiando los pronósticos viaxe a A Coruña, y rápida vuelta ensin malapenes tiempu pa esfrutar d'una empanada de vieires. Si lo importante ye la seguridá de los ciudadanos, como s'afirma, la mio rabia nun va ser nunca por midíes protectores pero… Que pasa? Nun tien visibilidá la calamidá d'una autopista que nun hai forma de vela terminada d'una xingada vegada, y mentanto venga palabres, venga compromisos incumplíos. Paez ficción nel añu 2010, y entá pescudando por estes cuestiones ensin que responsable dalgún tea ente rexes.

Pos si qu'echó raigaños la envernada, de toes formes y por que la vida nel so fundamentu ye guapa. Queríes visites, toi en condiciones d'afirmar que se percibe primavera, bones razones apúrrenles les [mimosas], que yá lo sé, si antoxamos inclusive les mimosas son infames, pero gústenme, y claru que pal día 8 de marzu van tar sosprendentemente gayes.

Nun hai fríu que nun funda'l calor. Una bona prueba?, asocedió n'Uviéu, capital de la Asturies más extravagante que recordar pueda. El calor púnxolo dende Grandas cuáyala del Ferreiro, el restu solo tuvimos qu'allegar pa arrebujarnos del aportunante inverniegu nuna tarde/nueche de comadres, [comadreo que pa dalgunos foi  de taquicardia] y que ye'l detonante de la llarga mazcarada asturiana. Antroxu que papa mazcaritos, amuga sentíos, cala delirios… nel efímeru esnalar que por fuerza s'axudica Uviéu, teniendo por medies toa una comunidá varada énte un coctel de futuru atolláu namá en socorrer a los señores de les diabólicas torbes, tollo, incongruencies d'un 12 a un 21 de Antroxu, añu 2010, estendíu con maña al 23 de febreru, día fatal y memoral, qu'esti 2010 tamién s'encargó d'atopa-y abellu nel arcón de los suaños rotos.

Imprudente como la simpleza humana'l procesu que se favoreció dende l'Alministración asturiana, y enforma tarrezo que la neciura nun tien llindes, nin cordura. Claru, tamién hai el que consideren y otros imaxinamos, qu'estos calteres -que non talentos- se tienen que rellacionar ineludiblemente con visiegues intenciones en visu a virar l'atención y, verdaderamente, l'erru ye tan de bultu que nun tien otres esplicaciones. De nun ser asina, nun ye que teamos tocaos ¡Tamos Fundíos! Mientres los guarismos negativos aforquen toa una comunidá, mientres nes sedes de los partíos políticos que mayoritariamente desgobiernan en Asturies apaecen cuchiellos peruquier, consíguese esviar l'atención escontra l'oeste, vieya coartada. Pero… nesti casu daquién equivocóse, de les consecuencies del deslizamiento na frenada inda nun hai noticies, los efectos entá tán por conocer se en tola so estensión.

De difícil esplicación el testimoniu de determinaos consorcios. Hai voces que se xunen pa formar un [Consorcio ], hai [consorcios de tresportes ], de [montes], de [turismo] y hai un [Consorcio, el del Museo de Grandas de Salime]. Dende bien guah.e los mios mayores esmoleciéronse de dexame bien claru un dichu, qu'igualmente traté de tresmitir con tola cordura de la que fui capaz: “Ye de bien nacíos el ser agradecíos”.

Hai consorcios a los cual naide tuvo la ocasión d'esplica-yos en que consiste'l ser bien nacíos.

OPINIÓN – [Alberto Álvarez Peña]

L.N.E.es – [Noticia de la comparecencia]

El Comercio – [Noticia de la comparecencia]

Pandemies, andaes. Comadreo y compadreo que tien que sobrollevar una sociedá varada en infames malecones. Faise entender perbién:

TRIBUNA – [Emilio LLedó]

Claru que malecones, malecones y atracaderos, atracaderos y atracadores. Esto ye lo qu'hai, naide entiéndelo, naide sabe como dicir claramente por que se crea. En antroxu…, seique pa una grandiosa mazcaritada, les contrariedaes manifiéstense cuando la trescendencia fugaz del Antroxu esléese, la realidá surde ensin antifaces y los bocayones bofonos llucen les sos tuerbes pompas. 

El Comercio – [Editorial]

El Muselón – [Musel]

L.N.E.es – [El Musel, implacable en Aboño] 

Un itinerariu bien guapu: Xixón, Candás, Lluanco. Una perda bien murnia, Xixón, Carreño, Gozón. El remano qu'en nome de vaya usté a saber el que se produció nesti escenariu máxicu y que dalgún día daquién con un mínimu d'intelixencia va tratar y dalgún va rescatar del vandalismo que pirates ensin cuentu tán desvalijando.

Mientres pueda llegar esi deseyáu tiempu en que los amigos de lo ayeno, los auténticos enemigos d'Asturies, paguen poles barrabasaes cometíes, en Lluanco xúntense gozoniegos, carreñenses pa tratar de torgar otra de les munches barbaries que se tán maquinando pa la xente ástur.

Periodismu ciudadanu                                                                                                             

Munches son les crisis qu'esta primer década del mileniu descorchó. La más qu'incierta credibilidá, según la duldosa oxetividá y l'entrada n'escena de nueves ferramientes, modifiquen irreversiblemente les formes de concebir la información. Frente al modelu jerárquico y tradicional d'empresa, que remana un mediu de comunicación, mediu de comunicación que remana al periodista, periodista que remana l'audiencia… magar les reticencias imponse'l mentáu [“periodismo ciudadano ”] que difier rotundamente col anterior sistema, la información ye lo primario y l'audiencia escueye los medios.

Siguiendo esa delicada llínea, esti febreru de Antroxu siguí con especial atención dos proyectos, qu'ensin ser nuevos, si que tienen capacidá pa siguir buscando maneres de llevar y llegar colos sos mensaxes. Dos modelos seique antagónicos en básela pero bien pareyos en consecuencia.

Per una parte y más allegáu, en Candás. La [AVV. Amigos de Candás], presentó un nuevu compromisu. [“El Trébole”]. Más qu'interesante proyectu, suerte y llarga vida.

En [El Comentario TV] va coyendo forma un proyectu bien curiosu ["Primera Plana”]. De la mesma, suerte y llarga vida.

Cartelón anunciador del final del - Antroxu 2010 -

Somos daquién o nun somos nada...?

Saludinos... y siempre ¡QUE HAXA SALÚ!

J. Pablo

Volver a forgax (Portada)