Pentakismyriohexakisquilioletracosiohexacontapentagonalis

 

A veces pienso que es mejor estar callado que hablar. O, como diría Lisa Simpson, a veces es mejor "estar callado y que la gente crea que eres idiota a hablar y demostrar, realmente, que lo eres".

Ostentación, un polígono de 56.645 lados se llama… pentakismyriohexakisquilioletracosiohexacontapentagonalis. Como se llamarán las 56.645 formas de ver las mismas figuras?? Pues que no topé una forma mejor de romper el hielo después de cuantas semanas?, meses…

Esto nun ye seriu, en plenu agostu y coles coses del licencioso antroxu pequí, tal paez que la flecha del tiempu nun apunta cabalmente na diana, y nun va ser por falta de motivaciones pa espotrexar, pero… que xuno yá ta fartu de les mesmes hestories y lo más llacerioso, les mesmes y mesmos desvergonzad @ s... Y bonu, una mínima, exigua novedá. Dedicáu pa el que se creen col derechu de fiscalizar la opinión, la opinión o los espacios onde opinar, qu'a lo postrero ye lo mesmo, pos eso, que solo faltaba esmolese por ¡Esconxúrala de Mentecatos!

Ye'l territoriu d'aniciu, solar de los antepasaos, un elementu d'evidencia, d'identidá del grupu que lo habita, creando en dellos casos fuertes llazos de protección ente los sos habitantes. Yá [Aurelio del Llano] recueye na [majada de Tordín], [Cabrales], como un mozu emigrante n'alloñaes tierres vese envueltu en cuestión delicada por dar muerte a un suxetu que se propasó cola so moza. La cuestión liquidóse col cabraliego condergáu a ser aforcáu. Atopábase'l culpáu nel patíbulu cuando atinó a pasar el xuez que podía indulta-y, y qu'incidentalmente yera de [Arenas de Cabrales]. El cabraliego dirixióse al xuez:

“¡Señor xuez! ¿Puedo fala-y?

“¡Fale usté!”

Y de esta manera faló:

“¡Adiós, la Torre del Ciegu, Torre de la Panadera!, ¡Adiós, al Paré-moyades, Banoria cola so cotera!, ¡Adiós, la casa de abaxu, casa de Juana Porrera!, ¡Adiós, al Cotera-llaciu, coterín de la Jelguera!, ¡adiós, al Cantu-palomar, onde yo tocaba la mueya!...”

“Esi ye del mio pueblu, dixo'l xuez. Polos sitios que nomó'l reu, anduvi yo cuando yera rapazu. Soltáilo y que se vaya darréu pa Cabrales”

Nel Alto Aboño

A partir del rellanu de la salida de la casa, una magnifica escalera comunica cola quintana, la güeyada mientres percorríes los dolce pasos yera bien guapa, de frente la Sierra de Torres, na quintana l'actividá nun cesaba. Según baxabes y casi ensin esfuerciu, a la derecha algamábense los niales qu'acovecía la enorme viga que sofitaba'l tinglado de viviendes. Yera'l sosten del formidable tendejón que protexía la entrada a la corte.

Sentáu nel cuartu pasu, cuantes hores ganaes al carillón en tan prestosu requexu. Cada primavera alleguen lleales a la cita, invención reparar les sos rasantes vuelos sobro los espeyos d'agua, maravía reparar los sos remangos, sutilezas en vueltes d'ángulos imposibles. Un luxu, un xuegu, o a cencielles una práctica nel dominiu de la gravedá.

Son la festiva avanzadilla de la floreciente primavera, son les andarines, que dende bien neñu tengo na alcordanza de les narraciones de los mios mayores, y agora que soi yo'l mayor, nun atopo los neños pa esplica-yos d'onde vienen les andarines, fai muncho una y bones nun hai neños nel Altu Aboño. Claro que tamién lo llamento por elles, tampoco tienen yá onde refaer los sos niales. ¡Cuantos cientos!, ¡cuántos miles d'andarines!, xugando ente los horros, ente los lloreos, ente les xentes, que por unes migas de pan ganabes una sublime amistá.

Nel Altu Aboño, delles andarines teníen nome, si, echábense de ver y reconocíen, seique les que más se significaben nes sos acrobacies, o seique les que meyor relación guardaben colos humanos, la cuestión ye que dalgunes de les andarines que temporalmente habitaben l'Altu Aboño teníen nome, y les vaques teníen nome, y los caballos teníen nome, y los perros teníen nome, y… hasta los humanos teníamos nome, nome y casa que tamién tenía un nome.

Envaloraos llectores y collacios, lamentablemente en Asturies yá nun interesen les andarines, equí la significación ta en… la romandela del últimu iviernu, la perorata de la seronda del anterior bienio, o la matraca del branu del postreru quinquenio… ¡Dios, que desheredaos quedamos!

Yá nun tien, siquier yo nun lo barrunto, arreglu. Los “habituales” a esti humilde blogue tán al tantu de les bravuconadas, del heroísmo fatuo el que tán implicaos no qu'empezó siendo la mayor infraestructura enxamás acometida en Asturies, y yá ye a día de güei la impertinencia mayor enxamás acometida en Asturies, que mira que yá hai impertinencias, bonu, pa ser más candiales, impertinencias, groserías y sinvergonceríes.

Aprovechando l'amistá, la bonanza, y qu'hubo tiempu nestos díes, semanas, meses, acompañé a Benín per unes eternidaes pela mar. La arromendada llancha, bonu llancha siendo tolerante, precuru bon peligru con bona necesidá d'un retoque, pero eso nun ye lo sustancial. Como diz el mio almiráu Benín, tiempu al tiempo. Lo realmente pervalible son les palabres. Llargues parrafadas en “La Maru”, que a éstes una y bones va tiempu que nun paso pequí, dexame que cunte un asocedíu… menuda peripecia cuando-y preguntar pola Marujina tan importante na la so vida… y resultó que lo de “Maru” pa nada tenía que ver con Marujina dalguna, resulta que “Maru” ye'l resultáu de la lleenda fantástica de Maru, un ser divín qu'apaeció pela tierra a enseñar a los humanos a construyir barcos, así que la particular Maru amedrana cola invocación protectora de les divinidaes y diz de les mios tiniebles marineres, y claro, si hai ganes y tiempu charres de too un pocu, por casu de seguir asina va llegar el día que nun podamos apreciar lo real de lo ilusorio, estraordinarios documentales con técniques formidables, a la llista del yá sorprendente, [Home], hai qu´amestar [Oceanworld 3d], [Wild Ocean], y como non, [Océanos]. Puedo aseguravos que parolar en La Maru con Benín, mientres repares el “señoríu” d'una draga arrampuñando'l fondu marín ye un vezu pa nada avezáu.

El momentu en qu'emprestamos gran atención a daqué, anque sía una brizna de yerba, conviértise nun mundu misteriosu, tarrecible, sombrio, indescriptible, inenarrable, o magníficu. Delles amueses de fechos y refugayes que van allumando y escureciendo los angostos caminos asturianos. Angostures, quebraes aportunantes, que cual andancia falen d'intereses propios escaeciendo lo imprescindible pa centrase nel embelicu, megollu orondo verdaderamente.

Saludinos.